AAK: Do të vijojë bllokimi i seancave në Kuvend

Aleanca për Ardhmërinë e Kosovës së bashku me subjektet tjera opozitare deklaron se do të vazhdojnë t’i bllokojnë seancat e Kuvendit të Kosovës.

Lajmi është konfirmuar nga përfaqësuesit e AAK-së në një konferencë për media, ku folën për buxhetin që është ndarë për fushën e punës dhe mirëqenies sociale.

Sipas Haki Shatrit, ky buxhet nuk është gjenerues dhe se nga viti në vit nuk po ka rritje të buxhetit nga zhvillimi ekonomik, gjë e cila është shumë e rëndësishme dhe e nevojshme për qytetarët dhe për uljen e papunësisë në Kosovës.