“Uniteti” reagon ndaj sulmit mbi objektin fetar në Kriva Pallankë

“Uniteti” reagon pas ngjarjes së djeshme në Kriva Pallankë pasi u njoftua se është sulmuar një objekt fetar ku muslimanët e këtij qyteti kryenin ritet e tyre fetare, njofton Portalb.

Në reagimin e tyre thuhet:

““UNITETI” dënon ashpër sulmin mbi objektin fetar musliman në qytetin e Kriva Pallankës gjatë mbrëmjes së djeshme, e që pasoi pas një proteste të qytetarëve orthodoks kundër lirive dhe të drejtave fetare të bashkëqytetarëve të tyre musliman.

Ne rikujtojmë çdonjërin se liritë dhe të drejtat themelore të njeriut, si dhe liritë dhe të drejtat fetare janë të garantuara me Deklaratën universale të OKB-së dhe me Kushtetutën e Maqedonisë dhe askush nuk guxon t’i cënojë të njëjtat.

“UNITETI” apelon tek organet e rendit sa më shpejtë të zbulohen vandalët dhe të nxirren para drejtësisë, ndërsa Qeveria të mos nxisë incidente ndërfetare dhe ndëretnike për të mbuluar dështimet në rrafshin politik.”

Kësaj ngjarje i ka parapri një protestë e një grupi qytetarësh të cilët, siç njofton mkd.mk, kanë protestuar kundër “islamizimit të qytetit”.

Është raportuar se policia po heton rastin.

Lajme të ngjashme

Leave a Reply

Your email address will not be published. Required fields are marked *

Back to top button