Apple firmos një marrëveshje prej 578 milionë dollarë për prodhimin e safirit

Krijuesi i materialeve prej safiri, GT Advanced Technologies, ka firmosur një marrëveshje të rëndësishme me Apple.

GT do të furnizojë krijuesin e iPhone me materiale prej safiri të cilat do të përdoren në pajisjet e ardhshme të Apple. Apple do t’i japë kompanisë 578 milionë dollarë në paradhënie dhe GT do të rimbursojë Apple gjatë një periudhe prej pesë vjetësh, duke filluar nga viti 2015.

Sipas GT, Apple nuk ka kërkuar një vëllim të caktuar të prodhimit, por Apple ka kërkuar që GT të mbajë “një nivel minimal të kapacitetit.” GT gjithashtu thotë se marrëveshja do të jetë financiarisht e dobishme për funksionimin e tij.

Pyetja, megjithatë, çfarë materialesh të veçanta GT do të prodhojë për Apple. Safiri është bërë i njohur në produktet e Apple, së pari u paraqit si mbrojtje për lentën në kamerën e iPhone 5. Safiri është përdorur edhe në sensorin e gjurmëve të gishtave në iPhone 5S.

Është besuar gjerësisht se Apple ka shpresa të larta për safirin – guri i dytë më i fortë në botë pas diamantit. Në shtator, zyra e patentave në SHBA, publikoi një kërkesë për patentë të Apple që përshkruan një metodë me të cilën safiri mund të përdoret për të ndërtuar një pajisje elektronike. Detajet ishin të pakta në aplikim, por tregon se Apple është të paktën duke menduar në lidhje me mënyrat për të integruar safirin në produktet e saj.