Michael Jackson ka bërë një shpikje, ja sekreti i lëvizjeve që sfidonin gravitetin (VIDEO)
Lëvizjet në dukje të pamundura, që sfidonin ligjin e gravitetit, kanë tashmë një shpjegim. Përkulja në kënd 45 gradë, e cila shfaqet disa herë në video, është arritur edhe në skenë dhe kjo i ka bërë njerëzit shpesh të mendojnë se cili është truku që qëndron mbrapa.
Sekreti i këtyre lëvizjeve është një shtesë e këpucës brenda pjesës së thembrës.
Kjo pjesë mund të hapej në çdo moment dhe të mbërthehej pas një kunji në skenë, duke e mbajtur këpucën të fiksuar, ndërsa këngëtari përkulej përpara me të gjithë peshën e trupit.
Këto këpucë janë patentuar si shpikje në vitin 1992 nën emrat e Michael Jackson dhe Dennis Tompkins. Hileja ka funksionuar gjithmonë, me përjashtim të rastit të shtatorit 1996 në Moskë, kur gjatë një performace, lidhja e takës së këpucës me kunjin u shkëput.
Ylli i muzikës pati një aksident në skenë, por fatmirësisht pa pasoja. Këpuca ndodhet tani në Moskë dhe gjendet e ekspozuar në një prej filialeve të “Hard Rock Cafe”, pasi u ble në një ankand për 600 mijë dollarë, pak kohë pas vdekjes së këngëtarit.
