Yllka Cana, shqiptarja e parë që po bën karrierë në ushtrinë amerikane
Faqja “Albanian Success Story” në Facebook ka publikuar një tjetër histori të një gruaje të suksesshme shqiptare në Amerikë. Bëhet fjalë për Yllka Canën nga Kosova, e cila shume shpejt do të bëhet kapitene e Ushtrisë Amerikane.
Yllka tani është bashkë me Eliza Dushkun dhe gratë tjera të suksesshme shqiptare. Yllka e kishte lënë Kosovën si refugjate gjatë luftës. Ajo i ka përfunduar me sukses misionet në Kore, në Gjermani e në disa vende të tjera, kurse tani është duke u ngritur në hierarkinë e ushtrisë amerikane.
Yllka do të bëhet kapitene e Ushtrisë Amerikane. Udhëzimet për ndjekjen e storjes së Yllkës, më 25 tetor 2015, në New York, janë publikuar në linkun e “AlbanianSuccess Story”.
Në vitin 2013, web-faqja dvidshub.com pati shkruar për rrëfimin e saj duke theksuar se 14 vjet pasi ka ikur nga Kosova, Cana, që ishte zhvendosur në Allentown, Pennsylvania në fillim të vitit 2000, ishte rikthyer në vendlindjen e saj në fshatin Livoq të Gjilanit.
