Kaosi i trafikut në Tetovë bllokon automjetin e zjarrfiksave!

Në një përpjekje për të intervenuar sa më shpejt në luftën kundër zjarrit, automjetet e zjarrfikësve të Tetovës, janë të bllokuar në kaosin e trafikut të qytetit.

Komandanti i njësisë së zjarrfiksave, Uka Aliti ka theksuar se kjo pamje është e zakonshme dhe çdo vonesë e tyre, varet jeta e njerëzve dhe dëmtime të mëdha materiale.

Ai ka apeluar tek autoritetet komunale, që sa më shpejt të jetë e mundur për të rregulluar kaosin me makinat e parkuara, dhe për të zgjeruar rrugët, në mënyrë që automjetet e zjarrfikëse, në kohë të përgjigjen ndaj çdo thirrje të qytetarëve të rajonit të Tetovës.

Aliti më tej theksoi se ka mungesë të madhe të pajisjeve të tjera për mbrojtje nga zjarri.