Vritet Muhamet Hasani nga Tetova
Është gjetur i vrarë me armë zjarri 32 vjeçari nga Tetova, Muamet Hasani (Meka).
Incidenti ka ndodhur në orën 22.00 në kthesën në afërsi të fshatit Pirok.
Sipas Marjan Josifovski, zëdhënës i SPB-së në Tetovë, ekipet policore e kanë gjetur veturën të tipit Golf, dhe një person të shtrirë në veturë.
Më pas gjithnjë sipas informatave jozyrtare është vërtetuar se i njejti ka qenë i qëlluar me arrmë zjarri.
“Janë thirrur ekipet mjekësore dhe ata vetëm kanë konstatuar se i njejti ka ndërruar jetë”, tha Josifovski, pa dhënë detaje të tjera. Sipas tij, tashmë në vendngjarje janë ekipet hetimore të SPB-së dhe gjykatësi hetues.
