Nuk ngacmova puçrrat për një javë, ajo që ndodhi më befasoi
Kur shikohem në pasqyrë natën, më vjen nevoja që të prek puçrrat, ti shtrydh poret. Konsideroj se një sasi e madhe e vetëbesimit më vjen nga lëkura, nuk i kushtoj shumë rëndësi flokëve, stilit apo paraqitjes fizike. Pamja ime nuk është ajo e modeleve, veshja ime nuk është ekstravagante dhe askush nuk mund të thojë se jam e dhënë pas palestrës. Mirëpo, jam e obsesionuar pas pamjes së lëkurës sime.
Kam një regjim strikt të kujdesit të lëkurës të cilin e përcjell çdo mëngjes dhe mbrëmje. Mirëpo e kam një dobësei, e ajo është shtrydhja e puçrrave, gjë që është e tmerrshme për lëkurën time.
Me qëllim që të pushoj me këtë shprehi të keqe e cila e dëmton lëkurën time, provova një eksperiment një javor.
Dita e parë
Siç e shihni, kisha disa njolla të kuqe pasiqë e kisha prekur lëkurën një mbrëmje më herët. Filloi me një puçërr të vogël e që vazhdoi me shtrydhje të tërë pjesës për 15 minuta.
Dita e dytë
Dita e dytë nuk ishte aq e vështirë. Vetëm e vështroja lëkurën e skuqur, ende e gjallë me plagët nga prekja e saj natën që kaloi.
Dita e tretë
Të rezistoja nga të trazuarit e lëkurës ishte e vështirë, posaqërisht kur kam kuptuar se ende e kisha një puçërr gjigande në fytyrë që nuk mbulohej as me makijazh.
Dita e katërt
Lëkura ime filloi të duket më mirë, më në fund. Ende ka pore të mbyllura mirëpo u mësova që mos ti prek më.
Dita e pestë
Lëkura ime dukej shkëlqyeshëm, përdorja vetëm hidratues në vend të bazës së zakonshme. Eksperimenti po funksiononte dhe më ndihmonte, gjë që nuk e besoja në fillim. Nuk e kisha kuptuar se shtrydhja e puçrrave shkaktonte probleme edhe më të mëdha në lëkurën time.
Dita e gjashtë
Pothuajse ia arritëm. Ende ka njolla të kuqe mirëpo janë shumë më pak të dukshme se në ditën e parë.
Dita e shtatë
Tani lëkura nuk është e përsosur, mirëpo siç shihet është më pak e ndezur dhe irituar. Njollat e kuqe janë më të zbehta, puçrrat janë më të vogla. Do i ruaj këto foto të eksperimentit që të më përkujtojnë mos t`a trazoj lëkurën në të ardhmen.