Egjipt, gjykata dënon 16 mbështetës të Mursit
Një gjykatë egjiptiane ka dënuar me nga 3 vite burg 16 mbështetës të presidentit të rrëzuar egjiptian Muhamed Mursi.
Burgosja e tyre u bë nën akuzat për gjoja se “përfshirje në aktet e dhunës dhe pengim i transportit publik në kryeqytetin Kajro”, transmeton mesazhi.
Vendimi, i cili ishte lëshuar nga Gjykata për kundërvajtje, nuk është përfundimtar dhe mund të apelohet në një gjykatë më të lartë.
Mbështetësit e presidentit të rrëzuar organizuan demonstrata mbarëkombëtare kundër grusht shtetit ushtarak të tre korrikut, i cili rrëzoi me dhunë presidentin e parë të zgjedhur me vota të lira.
Dhuna pasuese ndaj protestuesve ka lënë mijëra të vdekur dhe dhjetëra mijëra të plagosur e arrestuar.