FRI – Kumanovë organizoi Mbrëmjen Kuranore me lexues nga Turqia

Edhe sivjet, Forumi Rinor Islam – Dega Kumanovë organizoi Mbrëmjen Kuranore, aktivitet ky që u organizua në kuadër të Netëve të Kulturës Islame, në Kumanovë. Aktiviteti u organizua në shesh të qytetit.

Në fillim të mbrëmjes, fjala iu dha nënkryetarit të përgjithshëm të Forumit Rinor Islam, z. Hasan Baftijarit.

Poashtu, fjalë përshëndetëse pati edhe nënkryetari i Degës së Kumanovës, z. Liridon Ismaili, i cili pos që përshëndeti të pranishmit tregoi edhe për vazhdën e aktiviteteve që po realizon FRI-ja në Kumanovë, përgjatë muajit ramazan.

Lexuesit e kësaj mbrëmjeje ishin Mustafa Ozxhan Guneshdodu, Ahmet Tajar dhe Xhihad Kodal, që të tre hafëzllarë të shquar nga Republika e Turqisë.

Kjo mbrëmje bashkëtuboi një numër të madh qytetarësh në shesh të qytetit të Kumanovës, me të cilën mbrëmje edhe përfundoi aktiviteti Netët e Kulturës Islame, në këtë qytet.