Mot me diell

Gjatë vikendit në Maqedoni do të mbajë mot i nxehtë me temperatura deri më 34 gradë. Nga dita e hënë pritet rritje edhe më e madhe e temperaturave të cilat do të arrijnë deri në 39 gradë celsius.

Sot në vend do të ketë një erë të lehtë që do të vije nga veriu, kurse gjatë orëve të pasdites mund të paraqitet mundësia edhe për reshje të izoluara të shiut edhe atë në pjesët lindore dhe juglindore të vendit.
Temperatura do të lëviz prej 26 deri më 34 gradë.

Në Shkup dhe rrethinë do të mbajë mot i ngjashëm, i nxehtë dhe kohë pas kohe do të paraqitet një frymë e lehtë nga veriu. Temperatura do të arrijë deri më 32 gradë, ndërkohë indeksi UV do të shkojë deri në 8.