Bosnjë, marsh përkujtues për Srebrenicën

Në Bosnje dhe Hercegovinë ka nisur Marshimi i Paqes, një organizim i përvitshëm për të kujtuar vrasjet masive që kanë ndodhur në Srebrenicë, në vitin 1995.

Kolona e njerëzve është nisur nga Sarajeva, ndërsa pritet të arrijë në qendrën përkujtimore Potoçari më 10 korrik. Qytetarët zakonisht ecin rrugën e kundërt të rreth 15,000 burrave dhe djemve që kanë ikur nga ish-enklava e mbrojtur e OKB-së, kur ajo ka rënë në duart e ushtrisë serbe të Bosnjës, më 12 korrik, 1995. Forcat serbe atëherë kanë vrarë rreth 8,000 burra dhe djem myslimanë.