Mourinho i bindur në kualifikim
Trajneri i Chelseat, Jose Mourinho është i bindur se skuadra e tij do të kualifikohet për në fazën tjetër të Ligës së Kampionëve, pas fitores bindëse kundër Steauas me rezultat 4-0.
“Unë jam i bindur se ne do të kualifikohemi. Rezultati i ndeshjes së djeshme ishte tejet i rëndësishëm, pasi neve na duhej vetëm fitorja. Rezultati ishte shumë i mirë”.
“Performanca gjithashtu ishte solide. Ne e mbajtëm nën kontroll ndeshjen dhe luajtëm futboll të mirë dhe inteligjent”, tha Mourinho.