Tjetër mbledhje e Realit – Diskutohet konflikti ‘Pepe-Benzema’

Real Madridi ka bërë një tjetër takim me lojtarët e skuadrës, pas konfliktit që Pepe kishte me Karim Benzema gjatë derbit kundër Atletico Madridit.

Mbrojtësi i Real Madridit, Pepe gjatë ndeshjes kundër Atletico Madridit i kishte thënë Benzemas se ai nuk është duke punuar shumë në fushë, dhe nuk është duke dhënë asgjë për skuadrën.

Benzemas nuk i pëlqeu një gjë e tillë dhe konfliktin me Pepen e vazhdoi në dhomat e zhveshjes së Real Madridit. Sidoqoftë gjatë takimit më drejtuesit e skuadrës Pepe morri një urdhër: “Në fushë, lojtarët nuk duhet të keni konflikt me njëri tjetrin, por të ndihmojnë njëri tjetrin”.

Konflikti u zgjidh shpejtë, pasi Pepe kërkoi falje te Benzema, teksa ky i fundit e pranoi një gjë të tillë.