Xhaka, rekord: 5 kartona të verdhë në 6 ndeshje!
Granit Xhaka, në pesë ndeshje tëluajtura për Borussia Mönchengladbach-un është “shpërblyer” tashmë me 5 kartona të verdhë. Kështu, në ndeshjen e mbrëmshme kundër Augsburgut, pikërisht ditën kur i mbushi 21 vjet, Graniti nuk pati të drejtë loje.
Me pesë kartonat e fituar në një kohë kaq të shkurtë, talenti i madh shqiptaro-zviceran i futbollit është i dyti në bundesligë “për nga shpejtësia”. Më “i zoti” se ai në këtë drejtim, sipas focus.de, ka qenë vetëm Rene Rydlewicz, ish futbollist që ka luajtur për Hansa Rostock. Ai, për pesë ndeshje ishte ndëshkuar me 5 kartona të verdhë!
Por, Granit Xhaka nuk do t`ia dijë. Ai, sikundër i tregon emri “Granit”, do të qëndrojë i fortë si graniti, shkruajnë gazetat gjermane. Gazeta “Bild” e citon lojtarin tonë të ketë thënë se nuk mund ta ndryshojë stilin. “Unë nuk mund ta përshëndes me përzemërsi lojtarin klundërshtar në mesfushë. Nuk mundem që tash, paapritmas të tërhiqem nga dyluftimi, vetëm për faktin se gjyqtarët në këtë sezon po vendosin kaq shpejtë të më dënojnë me kartona!”, thotë “sëpata zvicerane” siç e quan gazeta në fjalë, transmeton albinfo.ch.
Por, Xhaka megjithatë pranon se mbase ka qenë pak më tepër aktiv se sa duhej në këto gjashtë ndeshje. E kundërta thotë të ketë ndodhur në sezonin e kaluar. Në 43 ndeshjet e luajtura ka pasur vetëm 5 kartona të verdhë, fakt që, sipas tij tregon se ka qenë depër defansiv.
Më tutje focus.de shkruan se qysh tash Granit Xhaka ka një “koleksion më të pasur” kartonash të verdhë se e gjithë skuadra Borussia Dortmund që ka mundur të grumbullojë gjithsej 4 sish në 6 ndeshje!
