Besohet se janë gjetur viktimat e fundit të “Costa Concordia”

Zhytësit kanë parë mbetje mortore në afërsi të anijës së shkatërruar, “Costa Concordia”, 20 muaj pasi kjo anije ishte fundosur në bregdetin italian.

Autoritetet kanë thënë se testet e ADN-së do ta tregojnë nëse këto mbetje ju takojnë dy viktimave që e humbën jetën shkaku i tragjedisë.

32 persona të tjerë nga 4200 sa ishin në “Costa Concordia” në momentin e tragjedisë e kanë humbur jetën në afërsi të ishullit Giglio në janar të vitit 2012.

Mirëpo trupat e një pasagjereje italiane dhe një kamerieri indian nuk janë gjetur asnjëherë.

Kërkimi për trupat e tyre të pajetë ka rivazhduar të martën, një javë pasi anija gjigante është shkëputur nga një shkëmb nënujor në të cilin ishte bllokuar për muaj të tërë.