Çavkovi, i padëshirueshëm në “Lagjen e trimave”
Banorët e “Lagjes së trimave” në Kumanovë thonë se ministri i brendshëm Çavkov është i padëshirueshëm në lagjen e tyre.
Duke folur për vizitën e tij një ditë më parë në këtë lagje, banorët thonë se as që e kanë njohur se kush është ministri, pasi në të kundërtën nuk do ta kishin lënë ti vizitojë shtëpitë e rrënuara nga policia, njofton Alsat-M.
“Hyrën papritur në lagje. Me shtabin absolutisht kanë pasur kontakte. Thjeshtë janë futur në lagje, ashtu siç i keni parë edhe ju. Ambasadorin e SHBA-ve e njohëm, ndërsa ministrin e brendshëm, jo”, kanë thënë banorët e kësaj lagje.
