SHBA, rritja e Islamofobise shqeteson myslimanet
Islamofobia është në rritje në SHBA, sidomos pas 11 shtatorit 2001, por kjo ndjenjë anti islame në SHBA po shënon nivelin më të lartë ndonjëherë. Kështu shprehen myslimanët në Amerikë, e madje thonë se ka një agjendë shumë të qartë për të përhapur stereotipe rreth Islamit.
Djegia e një xhamie në Teksas dhe flajerët e shpërndarë në rrugët e Bostonit, që kërkonin dorëzimim e ISIS brenda 72 orëve ose myslimanët në Evropë dhe SHBA do të vriteshin, janë shembuj të ndjenjave anti-muslimane në të gjithë SHBA-të.
Por, ndërsa ka një diskurs në SHBA që synon muslimanët, sidomos pas sulmeve të 11 shtatorit, edhe pse duket se grupi militant ISIS ka shtuar presionin ndaj muslimanëve.
Politikanët dhe udhëheqësit fetarë në vendet muslimane kanë dënuar haptazi ISIS- i cili operon në Siri dhe Irak – por më shumë se një e katërta e amerikanëve dhe gati gjysma e pastorëve të lartë protestant thonë se ISIS ofron një përfaqësim të vërtetë të muslimanëve, pikëpamjke kjo tejet e gabuar.
Ibrahim Hooper, drejtori i komunikimit për Këshillin për Marrëdhëniet Amerikano-Islame (CAIR), një organizatë kombëtare për të drejtat e myslimanëve dhe avokim, tha se edhe pas 11 shtatorit ka pasur një rezervë për myslimanët amerikanë, kështu që edhe pse muslimanët dhe xhamitë u sulmuan, shumica e popullit amerikan reaguan në favor të muslimanëve dhe mbështetë ata.
Paragjykimi ndaj muslimanëve nuk mund t’i atribuohet vetëm ISIS, tha ai. “Ka gjithashtu një industri të organizuar për promovimin e islamofobisë në Amerikë, e themeluar nga miliona dollarë dhe promovuar nga rrjetet si Fox News dhe faqet e internetit të urrejtjes. Kështu është krijuar artificialisht urrejtje e paparë, dhe kjo është arsyeja pse ne kemi përjetuar incidente si ai në Nju Jork.
“Nëse njerëzit ndërveprojnë me muslimanët në jetën e tyre të përditshme – me mësuesit e shkollave, shoferët e autobusëve, arkëtarët e dyqaneve, dhe në qoftë se ata të njihen me këta njerëz në jetën e tyre të përditshme, paragjykimet do të bien”, tha Hooper, i cili shtoi se xhamitë duhet te angazhohen më aktivisht në komunitetet e tyre dhe në fushatat e edukimit. /MESAZHI/
