Erdogan: Duhet të ndërmerren nisma për vendosjen e paqes globale
Presidenti turk Recep Tayyip Erdoğan tha se energjia është një nga temat kryesore të ditëve të sotme, dhe se pikërisht ky sektor në masë të madhe përcakton udhëzimet ekonomike, politike, të sigurisë dhe të marrëdhënieve diplomatike, si dhe zhvillimet në botë, raporton Anadolu Agency (AA).
Erdoğan gjatë fjalimit në hapjen e Forumit të 6-të Botëror për Rregullimin e Energjisë (WFER) në Stamboll paralajmëroi se forcat terroriste të ISIL-it, kanë pushtuar disa burime të naftës në rajon, të cilat shfrytëzohen për të blerjen e armëve dhe pajisjeve ushtarake, dhe se kjo në mënyrë të konsiderueshme përkeqëson rregullimin e politikës së tregut energjetik.
“Mësimi më i madh që bota mund të mësojnë nga kërcënimet e ISIL-it, është se problemet në Siri dhe në Lindjen e Mesme në përgjithësi nuk janë lokale, por me karakter global. Në këtë kontekst, duhet të ndërmerren nisma për vendosjen e paqes globale dhe stabilitetit, e jo vetëm sigurinë e kufijëve të tregjeve tona të energjisë. Ne duhet urgjentisht të njohim tragjedinë që po ndodh në rajon, për të dëgjuar klithmat dhe të marrin masa për të ndaluar gjakderdhjen”, tha Erdoğan, duke shtuar se shtyrja e mëtejshme e këtyre masave sjellë pasoja afatgjate dhe problemet që mund të nxijnë të ardhmen e gjeneratave të ardhshme.
Duke vënë në dukje se Turqia ndodhet në korridorin e energjisë që lidh Lindjen me Perëndim dhe Veriun me Jugun, Erdoğan tha se vendi i tij përfaqëson politikat intensive të bashkëpunimit ndërkombëtar të energjitikës dhe marrëveshjeve.
Ai tha se çështja e energjisë mund të zgjidhet përgjithmonë vetëm në bazë të forcimit të dialogut dhe bashkëpunimit mes vendeve prodhuese, konsumatorët dhe ata që janë përfshirë në tranzitin e energjisë.
Duke theksuar se Qiproja do të zërë një vend të rëndësishëm në hartën e energjisë të Mesdheut jugor, Erdoğan tha se kjo do të jetë çështje e rëndësishme e diplomacisë turke.
“Nuk ka asnjë fjalë për lëshime kur bëhet fjalë për politikën tonë në lidhje me Republikën Turke të Qipros Veriore dhe burimeve energjetike në ishullin e Qipros. Gjithmonë kemi thënë dhe do të themi se çdo burim në këtë ishull është në pronësinë e të gjithë popujve të atjeshëm. Turqia do të jetë vendi kyç për shfrytëzimin e këtyre burimeve dhe dhënien e potencialit të energjisë në tregun ndërkombëtar. Ashtu si në rastin e Irakut, ne do të jemi shum të lumtur në qoftë se arrihet marrëveshje mes palëve të atjeshme”, tha Erdoğan, duke shtuar se Turqia do të vazhdojë të përfaqësojë politikën e pajtimit dhe gjithmonë do të shkojnë një hap përpara drejt pajtimit në ishullin e Qipros.
Kompleksi Ndërkombëtare i kongresit në Stamboll “Lutfi Kirda” në tri ditët e ardhshme do të jet pritës i Forumit të 6-të Botëror për Rregullimin e Energjisë (WFER) gjatë të cilave liderët në sektorin e energjisë do të diskutojnë rreth situatës aktuale në tregun global.
Organizatori i Forumit është Zyra turke për rregullimin e tregjeve të energjisë, ndërsa partner global ti mediave është Anadolu Agency.
Forumi do të mbledh përfaqësuesit e zyrave dhe institucioneve që merren me rregullimin e tregjeve të energjisë, si dhe përfaqësues të kompanive energjetike, institucionet financiare dhe ekspertë nga pjesë të ndryshme të botës.
Temat kryesore të Forumit do të jenë efektet e rregullores për fleksibilitetin e tregut të energjisë dhe risitë në qasjen ndaj rregullimit të këtij sektori.
