10 mijë ankesa për mospërfshirje në lista

Komisioni qeveritar për njohjen dhe verifikimin e statusit të veteranëve , invalidëve, pjesëtarëve dhe të internuarve të UÇK-së ka pranuar mbi 10 mijë ankesa ndaj verifikimit të listave fillestare për të gjitha zonat operative të UÇK-së.

Lajmin e ka konfirmuar për “Epokën e Re” udhëheqësi i sekretariatit të këtij komisioni, Faik Fazliu.

Ai ka bërë me dije se këtë javë përfundon afati i ankesave dhe nëse çdo gjë shkon siç është paraparë, atëherë listat përfundimtare do të dalin në qershor.