Samsung me kërkesë të jashtëzakonshme për Galaxy S6 Edge

Lideri global në telefona mobil Samsung, vendosi të krijojë sasi të mjaftueshme të Galaxy S6 Edge të cilat do ti shiste tek adoptuesit e hershëm dhe fansat e teknologjisë së fundit mobile.

Mirëpo, me modelin e saj më të ri të telefonit me skaje të lakuara të ekranit, Samsung me sa duket nuk i ka bërë mirë llogaritë sepse kërkesa për Galaxy S6 Edge është e jashtëzakonshme.

Për ta përballuar kërkesën, Samsung-ut i është dashur të hapë një fabrikë të tretë të prodhimit për ti trajtuar kërkesat e konsumatorëve për pajisjen më të fundit innovative.

Samsung thotë se tani do të jetë në gjendje të prodhojë 5 milionë ekrane të Galaxy S6 Edge në muaj në vend të 2 milione njësive sa krijonte deri më tani për një muaj – që do të thotë se Galaxy S6 Edge mund ta përballojë kërkesën e madhe të tregut.

Galaxy S6 Edge sjell ekranin me 5.1” në cilësinë Super AMOLED me Quad HD në 2,560 x 1,440 piksel (rreth 577ppi), kamerën e përparme me 5MP me f/1.9, kamerën e pasme me 16MP me f/1.9, procesorin e kompanisë octa-core Exynos 7420, 3GB RAM, minimum 32GB memorie të brendshme me baterinë prej 2,600mAh si dhe mbushësin pa tela. (Telegrafi)