Pentagoni mohon akuzat ruse, i quan “qesharake”

Pentagoni të enjten ka mohuar akuzat ruse se trupat amerikane janë në zonën e konfliktit në Ukrainën Lindore, duke i quajtur pretendimet e Moskës një “përpjekje qesharake për të zhvendosur fokusin” nga aktivitetet e veta në rajon.

“Rusia vazhdon të furnizojë me armë vdekjeprurëse, trajnimin dhe komandën dhe i jep mbështetje kontrollit për separatistët armatosur në Ukrainën Lindore, në shkelje flagrante të angazhimeve të Moskës ndaj Minskut dhe të sovranitetit të Ukrainës”, tha Eileen Lainez, një zëdhënëse e Pentagonit.

Lainez tha se Pentagoni ka qenë i qartë se ka disa qindra trupa trajnuese në pjesën perëndimore të Ukrainës, pranë Polonisë.