Durimi
Qiellin shikova dhe desha të bërtas
Kisha drojë qielli të mos pëlcas
Yjet të hutuara
Në sy drejt me panë
Kthehu ulëriti Tokës!
Të trembura më thanë
U ktheva, në tokë vështrova
Mu duk e paaftë
Po sikur ulërimën time t`ia thoja
Do të duronte vallë?!
Apo do thahet, do thyhet,
Do ndahet, do të bënte nam!
Ndalova rreth e qark shikova
Pash ca njerëz dhe u tërbova
Më pas u ndala dhe mendova
Po sikur këtyre t`ua thoja?!
Kjo ndodhi dhe e kuptova
Se vetëm veten e lëndoja.
Dhembjen e gëlltita
Në shkëmb u shndërrova
Ndeza dritën dhe thash:
Hesht, durova!
Poezi nga Minka Berisha
