Komision për Lustrim debatoi për lëndët e kthyera nga Gjykata Administrative
Në seancën e fundit Komisioni për verifikimin e fakteve, mes të tjerash, debatoi rreth tre lëndëve të kthyera nga Gjykata e Lartë Administrative në Shkup.
Anëtarët e lustracionit i kanë marrë parasysh thëniet në gjykatë dhe kanë marrë vendime të reja për tre personat. Njëri prej tyre është Stevan Pavllevski, i cili ka qenë ish nënsekretar republikan në Shërbimin e sigurisë shtetërore, ndërsa një periudhë ka punuar edhe si zëvendësprokuror publik.
Me këtë rast Komisioni në vendimin e ri ka bërë kufizim të veprimit të tij gjatë kryerjes së dy funksioneve si nënsekretar republikan i SHSSH-së si dhënës i urdhrave dhe si prokuror publik, sipas neneve të ligjit që korrespondojnë për urdhëruesin dhe si person, i cili ka vepruar në cilësi zyrtare në procedurë gjyqësore. Lënda sërish do të shqyrtohet nga ana e Gjykatës të Lartë Administrative në Shkup.
Për personin e dytë Haki Bediu, i cili ka qenë ndihmës shef i sektorit të dytë në SHSSH, si dhe bashkëpunëtor, është pranuar thënia e gjykatës që të largohet nga vendimi se njëkohësisht ka qenë edhe shfrytëzues i informacioneve. Lënda e tretë ka të bëjë me personin Nikolla Temellkovski ish drejtor i ndërmarrjes publike në Manastir, i cili ka qenë i punësuar me nismë të një personi të tretë. Me këtë rast është pranuar thënia e gjykatës se ai ka qenë vetëm bashkëpunëtor, por jo edhe urdhërues.