Rama: Doshi nuk u përjashtua nga PS pse akuzoi Ilir Metën

Kryeministri Edi Rama ka deklaruar në emisionin “Opinion” në TV Klan se deputeti Tom Doshi nuk është përjashtuar nga Partia Socialiste për shkak të akuzave në lidhje me tentativën e pretenduar për vrasje nga Ilir Meta por për shkak të qëndrimeve që bien ndesh me partinë, transmeton Albeu.com.

Ja debati:

Blendi Fevziu: A keni frikë nga Tom Doshi?
Edi Rama: Asnjëherë.

Blendi Fevziu: Pse u përjashtua Tom Doshi?
Edi Rama: Arsyet nuk kanë lidhje me ato që erdhën më pas, por me një vrazhdë shkeljesh të kontratës me Partinë Socialiste e cila nuk mund të pranojë deputetë që i shpallin luftë qeverisë dhe se do t’i tundin leqet mazhorancës.

Blendi Fevziu: Pra është përjashtim për fjalë?
Edi Rama: Nëpërmjet fjalëve shprehen qëndrime dhe kur këto bien ndesh me grupin tonë parlamentar atëherë bashkëjetesa është e pamundur.

Blendi Fevziu: Çfarë bëri Tom Doshi që e përjashtuat?
Edi Rama: Mjafton t’i referoheni qëndrimeve publike të deputetit.