Ylli e la Kosovën e Shqipërinë, zgjodhi Austrinë

Mbrojtësi i majtë kosovar, Ylli Sallahi, kishte tri opsione për përfaqësuese: Kosovën, Shqipërinë e Austrinë.

Sallahi 20-vjeçar refuzoi Kosovën dhe Shqipërinë, pasi tha se dëgjoi zemrën dhe zgjodhi Austrinë, transmeton koha.net.

“Të jem i sinqertë më është dashur të zgjedh mes Shqipërisë e Austrisë. Në fund dëgjova zemrën. Unë nuk kam lindur në Austri, por jam rritur në Austri dhe kam mësuar gjithçka atje, kam kaluar një kohë shumë të mirë, për këtë arsye edhe kam vendosur për Austrinë”, ka thënë Sallahi për ‘Laola1.at’.