Kadare flet për ikjen e kosovarëve, fajëson edhe Shqipërinë!

Nga Jerusalemi ku ai ishte për të marrë një çmim të rëndësishëm ndërkombëtar, shkrimtari Ismail Kadare ka dhënë një intervistë të gjatë për emisionin “Shqip” të Rudina Xhungës, e cila do të transmetohet sonte.

Aty përpos shumë temave të tjera, Kadare prek edhe eksodin e madh të shqiptarëve të Kosovës, pas të cilit shkrimtari sheh një histori të kurdisur që duhet hetuar.

Ja seç thotë ai për gazetaren Xhunga: Sigurisht nuk bëhet asgjë pa shqiptarët, sigurisht janë ata që e nxisin këtë propagandë që ndodh. Kush shkon shtëpi më shtëpi çdo natë që u thotë ikni, nisuni, se ju ndihmojmë ne? Ç’janë këto agjenci që mbushin autobus;? Nuk e di ky shtet se çfarë po ndodh. Nuk e marrë dot me mend. Duhet të rrinte pa gjumë administrata e Kosovës nga kjo gjë, ata që quhen barinjtë e Kosovës, udhëheqësit e Kosovës.

Në pyetjen nëse ai e gjen Shqipërinë në këtë “aktivitet”, ai përgjigjet: Sigurisht edhe Shqipëria ka përgjegjësinë e saj, për çdo gjë që ndodh me shqiptarët, brenda saj por edhe jashtë saj. Duhet ta ketë të qartë, duhet të ndikojë. Për shembull, tani jemi në Jerusalem, ky qytet i vogël, që merret me tërë botën, që preokupohet, nuk e zë gjumi, nuk e zë gjumi për hebrenjtë në të gjithë botën. Pse neve duhet të mbyllim sytë, siç po ndodh? /lapsi.al/

Lajme të ngjashme

Back to top button