“Porno” virus në Facebook, kujdes!

Në rrjetin social Facebook ka nisur përhapja e një virusi të ri i cili rrezikon të prekë të gjitha profilet.

Virusi funksionon në mënyrën e ngjashme sikurse edhe viruset tjera, apo aplikacionet dashakeqe, që, nëse klikoni mbi atë link të caktuar, në atë moment ju infektoheni dhe etiketoni një grup miqsh nga rrjeti social.

Prandaj, nëse hasni në një link të tillë (siç mund ta shihni në foto), ju këshillojmë që të mos e hapni në asnjë mënyrë, pasi do të infektoheni me të ashtuquajturin virus “porno”.

Virusi në fjalë është shumë i popullarizuar aktualisht në Facebook, i cili brenda një kohe të shkurtër ka prekur shumë përdorues kureshtarë.