Turqia gati të prodhojë avionin e saj luftarak
Turqia ka bërë projekte shumë të rëndësishme në fushën e industrisë së mbrojtjes, ndërsa në kuadër të objektivave deri më vitin 2023, vit i cili përkon edhe me 100 vjjetorin e Republikës së Turqisë, është planifikuar që nevojat themelore të forcave të armatosura të prodhohen brenda vendit.
Në kuadër të kësaj nisme, Turqia ka prodhuar tanket e veta, anije, helikopterë, avionë stërvitorë, raketa dhe armë këmbësorie vendase, objektiv i ri i Turqisë është të prodhojë avionin e saj luftarak.
Ministri i Mbrojtjes së Turqisë, Ismet Yilmaz në një intervistë për Anadolu Agency (AA) tha se i kushtojnë rëndësi të madhe investimeve në industrinë e mbrojtjes, e cila, siç tha ai, ndikon në forcimin e forcave të armatosura të këtij vendi.
Duke përkujtuar se ushtria turke aktualisht është në mesin e 10 forcave më të madhe botrore, Jilmaz tha: “Ne aktualisht mbulojmë 55 për qind të nevojave të përgjithshme të forcave të armatosura. Qëllimi ynë është që deri më 2023 të mbulojmë plotësisht nevojat themelore të forcave tona të armatosura në mënyrë që në këtë drejtim ne vazhdojmë me projektet tona.”
Sipas Jilmaz, qëllimi është që ushtria turke të përdorë armët e veta toksore, detare dhe ajrore dhe se për këtë nevojitet prodhimi i avionëve luftarak.
“Ne prodhojmë anijet tona dhe të gjitha armët e artilerisë këmbsorike, përfshirë edhe tankun. Prodhojmë helikopterë dhe aeroplanë trajnimi. Qëllimi jonë i ardhshëm është prodhimi i avionëve luftarak. Kur ta arrimë këtë, Turqia do të jetë prodhues i armëve mbrojtjëse për forcat tokësore, detare dhe ajrore të veta. Atëherë do të jemi plotësisht të pavarur dhe të fortë. Nëse nuk keni industrinë e mbrojtjes është e pamundur të flitet për një pavarësi dhe për këtë arsye ne vazhdojmë të investojmë në këtë sektor “, tha Jilmaz./AA
