Eksplodime në stacionin e policisë së Tetovës dhe Kumanovës (FOTO)

Forca të shumta policore janë mbledhur në stacionin e policisë në Tetovë, pas lajmërimit për një sulm ndaj këtij objekti.

Gazetari i Portalb është penguar nga policia që të afrohet në vendin e ngjarjes më arsyen se është duke u kryer ekspertizë.

Nga Policia bëjnë me dije se ngjarja ka ndodhur rreth orës tetë të mbrëmjes.

“Është dëgjuar një detonacion rreth orës 19 e 55 në stacionin policor të Tetovës, ende nuk e dimë se për çfarë bëhet fjalë, nuk do të konfirmoja se është bombë. Polica është në teren së bashku me ekspertët të cilët mundohet të zbulojnë shkaqet e detonacionit. Nuk ka dëme materiale dhe as njerëzore”, tha për Portalb zëdhënësi i sektorit të MPB-së, Tetovë, Marian Josifoski.

Në një interval kohorë prej një ore po ashtu është sulmuar edhe stacioni policor në Kumanovë.

Në Kumanovë jo-zyrtarisht mësohet se stacioni policor është sulmuar me bombë kashikara, megjithatë nuk ka informata për viktima në njerëz.

Më shumë detaje do të publikohen nga MPB gjatë ditës së nesërme.