Iniesta largohet, vijnë Mata dhe Torres
Dy spanjollët Juan Mata dhe Fernando Torres që nuk po gjejnë hapësira tek Chelsea, mund të afrohen tek katalanasit, ku mund të sigurohet edhe pjesëmarja e rregullt në formacion.
Ndërkohë që kontrolli i topit nga Barcelona në sfidën ndaj Rayo Vallecanos është kthyer në një cështje, drejtuesit e blaugranave punojnë në merkato. Sipas të përditshmes Sport, katalanasit kanë evidentuar zëvendësuesin e Montoyas, në rast se mbrojtësi vendos të largohet. Është Cesar Azpilicueta ai që pritet të marë rolin e alternativës së Dani Alves. Mbrojtësi i Chelseat është lehtësisht i arritshëm, pasi Mourinho nuk do të bëhej pengesë për këtë transferim. Po tek blutë e Londrës shihen edhe disa alternativa në merkato.
Por derisa Barcelona mendon për tu fuqizuar, vjen edhe kundërsulmi nga Anglia për Andres Inesta. Fantazisti i cili ka refuzuar rinovimin e kontratës së ofruar nga klubi, ka tërhequr vëmendjen e dyshes së Manchesterit, united dhe City. Madje duket që “Djajtë e Kuq” pasi që nuk kanë mundur të bindin gjatë verës Cesc Fabregas, duken të vendosur për të mbyllur gjithcka me mesfushorin e Barcelonës, edhe pse Iniesta pret lëvizjen e dytë nga klubi katalanas.
