Festohet dita ndërkombëtare e xhudos

28 tetori, dita ndërkombëtare e Xhudos është festuar edhe në Maqedoni.

Sot në sallën sportive të Shkollës Fillore “Vëllazërimi” në lagjen Nerez, klubi i xhudos Ippon, gjatë seancës stërvitore duke bërë ushtrime, ka festuar dhe ditën ndërkombëtare të Xhudos,  duke iu bashkuar thirrjes së federatës ndërkombëtare të Xhudos.

28 tetori është ditëlindja e Xhigaro Kano-s, ai që ndërtoi sportin e xhudos, ndërsa ky sport ka filluar kohëve të fundit të jetë shumë i dashur për sportistët shqiptarë, duke marrë si shembull kampionen evropiane dhe botërore Majlinda Kelmendi.

Në Klubin Ippon ka shumë talente të mëdha nga të cilët edhe pritet sukses, e në të veçuar padyshim se janë Arbëresha Rexhepi, Hamza Jashari, Amra Fejzullahu dhe Arber Rexhepi, si dhe shumë e shumë të rinj të tjerë nga të cilët presim në vitet në vazhdim dominim në arenat ndërkombetare./Portalb/