Kombinimi i pazakontë: Mjaltë me hudhra shëron disa sëmundje

Mjalti me hudhra është një recetë që mund të përdoret për disa sëmundje, veçanërisht për problemet respiratore. Efektet pozitive të mjaltit janë të pamohueshme në çdo fushë të mjekësisë, ndërsa sa i takon hudhrës ajo është e njohur për efektin “antimikrobik”.

Kombinimi i të dyjave është i mirë në shumë probleme të frymëmarrjes si ftohjet, kollitjet, simptomat e gripit dhe infeksionet e veshit.

Përveç që jep efektin e tij në forcimin e imunitetit dhe rolet tjera, mjalti po ashtu ndihmon të transferojmë shijen e hudhrës, duke reduktuar djegësinë e saj.

Ja si mund ta përgatisni recetën:

Gjysmë kavanozi mjaltë i kualitetit të mirë

Një kokërr hudhër organike

Pasi ta pastroni, thjesht e copëtoni hudhrën në pjesë të vogla dhe i shtrydhni copëzat. Më pas copëzat e shtrydhura të hudhrës i përzieni me mjaltë dhe i vendosni të qëndrojnë në një vend të ftohtë.

Të konsumohen: 1 deri në dy lugë kafeje të këtij kombinimi në ditë.