Rusia përgatitet të ndryshojë orën… për herë të fundit

Pasi eksperimentonte prej tre vitesh duke mbajtur pa pushim orën verore, Rusia pritet që të ndryshojë të dielën në orën dimërore, për të mos ndryshuar më pranverën e ardhshme. Një lëvizje kjo që mbështetet edhe nga Presidenti Vladimir Putin, pasi ora verore nuk fitoi shumë popullaritet. Mbështetësit e kësaj nisme thonë që ajo do të sjellë përfitime për popullsinë, e cila do të ketë një orë më shumë dritë në ditë, çka do të shtojë jetën aktive. Por mendimet mbi këtë temë janë të ndryshme.

Në konferencën ku edhe u propozua qendrimi i përhershëm në orën dimërore, përfaqësuesit e Akademisë Ruse të Shkencave argumentuan se kështu, Europa do të jetë më afër, pasi ndryshimi me Orën e Grinuiçit do të jetë vetëm tre orë. Megjithatë zëvendësdrejtori i Institutit të Gjeografisë, Arkadi Tishkov, tha se ndryshimi do të mbajë njerëzit më të gozhduar para televizorit.

“Mendoj se është minus i madh për vendin që pak njerëz, të mbështetur nga kompanitë e marketingut kanë vendosur që të bëjmë këtë ndryshim, që ndikon në jetët e 142 milionë njerëzve”, tha Tishkov. Punonjësja e Institutit Mjeksor, Svetllana Stepanova, vuri në dukje se ky ndryshim nuk do të ndikojë në jetët e njerëzve. “Ora dimërore nuk ka asnjë efekt në përkeqësimin e shëndetit të njerëzve”, tha ajo./ Oranews/