Rreth 44 mijë euro janë vjedhur nga një shtëpi në Tetovë
Rreth 44 mijë euro janë vjedhur nga shtëpia e A.M (67) që gjendet në rrugën ‘Cvetan Dimov’ në Tetovë, informoi zëdhënësi i policisë së Tetovës, Marjan Josifovski.
Sipas të dhënave, person i panjohur diku mes orës 9 dhe 20 derisa nuk ka pasur asnjë person në shtëpi ka thyer derën me dhunë pas çka nga çanta ka marrë paratë dhe stolitë e arit.
“Sipas pronarit të shtëpisë janë vjedhur gjithsej stoli ari dhe para me vlerë prej 43.900 euro. Policia po kryen hetimet dhe po kërkon personin”, thotë Josifovski.
Kjo është rasti i dytë i shënuar brenda dy ditëve, pasi që të premten në nja shtëpi në Banjicë të Poshtme të Gostivarit janë vjedhur stoli ari me vlerë prej rreth 70 mijë eurove.