Tre të lënduar në një aksident në Tetovë
Tre vetë u plagosën në një aksident trafiku që ka ndodhur sot në ora 9:20 në fshatin Stençe-Tetovë.
Dy janë transferuar në spital në Shkup për shkak të ashpërsisë së lëndimeve, njëri është mbajtur në Tetovë.
Zëdhënësi i policisë së Tetovës Marjan Josifovski tregoi se në këtë aksident është përfshirë një kamion Mercedes me targa të Gostivarit drejtuar nga J.K (51) nga fshati Larce-Tetovë dhe vetura e tipit Renault Kango, gjithashtu me targa të Gostivarit i drejtuar nga M.S (33) nga fshati Çegran i Gostivarit.
Në këtë aksident pasagjerët e tjerë të veturës, B.A (58) nga fshati Çajle i Gostivarit dhe A.H (48) nga Çegrani kanë pësuar lëndime të rënda pasi trajtohen në spitalin klinik të Tetovës si raste emergjente janë dërguar në klinikat e Shkupit. Sipas të dhënave paraprake, ata nuk e kishin jetën në rrezik .Shoferi i veturës, gjithashtu pësoi dëmtime dhe u shtrua në spitalin e Tetovës.
