Ultimatum 5-ditor kundër vjedhjes së energjisë, Berisha hakmerret ndaj Ramës

Pasi kryeministri Rama njoftoi se Qeveria do të nisë shumë shpejt një aksion me dorë të hekurt ndaj atyre që vjedhin energjinë elektrike, një reagim ka pasur nga Sali Berisha, i cili e quan si mashtrimin e radhës.

“Rritja e re me 71% e çmimit të energjisë përbën ndëshkim të rëndë për shqiptarët!

Të dashur miq, Edvin Kristaq Rama i’u premtoi shqiptarëve heqjen e TVSH-së për energjinë elektrike dhe për rrjedhojë uljen me 20% të çmimit të saj.

Pas nje viti ai po bën të kundërtën. Duke hequr çmimin me 77 lekë për 300 kw e parë, ai rrit çmimin e energjisë me së paku 71% për 60 % të shqiptarëve që konsumojne më pak se 300 kw në muaj. Kjo është një goditje e rëndë për buxhetin e familjeve shqiptare, për të gjitha bizneset e vendit që do shoqërohet me një rritje të madhe të varfërisë, mjerimit, shkurtimit të vendeve të punës por dhe vjedhjes e shpërdorimit të energjisë.

Të dashur qytetarë, sipas programit afatmesëm për energjinë, më daten 1 janar 2015 duhet të fillonte ulja e çmimit të energjisë, i cili u mbajt pa u rritur në 5 vitet e fundit. Ata që ju thonë se në Shqiperi çmimi i energjisë është i ulët, mashtrojnë dhe vetëm mashtrojnë. Aktualisht çmimi i energjisë në Shqipëri nominalisht dhe i mesatarizuar sipas Eurostatit është 30-40% më i lartë se sa në shumicën e vendeve të rajonit si Bullgari, Maqedoni, Serbi, Bosnjë Hercegovinë. Kurse realisht ( i proporcionuar me rrogat dhe pensionet ) është më i lartë se në çdo vend tjetër të Europës.

Tabela Eurostat në linkun -http://epp.eurostat.ec.europa.eu/statistics_explained/index.php/Electricity_and_natural_gas_price_statistics

Qeveria rrit çmimin e energjisë, e cila në Shqipëri prodhohet me koston më të ulet në Europë (sepse është 100% ujore) vetëm për të mbuluar vjedhjet e veta në menaxhimin e energjisë dhe gjobën prej 1.1 milionë lekë që u beri çdo qytetari shqiptar me tërheqjen nga arbitrazhi dhe marrëveshjen korruptive që firmosi me CEZ. Perveç këtyre, qeveria ktheu faturat aforfe me të cilat 180 mijë familje shqiptare e paguajnë energjinë tre here më shtrenjtë se sa vetë kryeministri dhe ministrat e tij.

Ju nuk duhet ti falni Edi Ramës mashtrimin për heqjen TVSH-së për energjinë elektrike dhe cinizmin ndaj jush me të cilin po rrit me rreth 70 % çmimin e energjisë për ju!”, shkruan Berisha ne Facebook. /albeu