Recension: Mijëra njerëz morën pjesë në Marshin e paqes në Moskë kundër luftës në Ukrainë

Preciziteti është një gjë shumë e rëndësishme, ndërsa në gazetari është i pandashëm nga kategoria saktësi. Një mijë, disa mijë, mijëra – përdorimi joadekuat i cilit do qoftë nga këto vlerësime për numër bart me vete rrezik serioz për ta dështuar vërtetësinë e informatës. Mirëpo, nëse në një material të njëjtë përdoren të gjitha këto numra, atëherë fitojmë një turlitavë gazetareske.

25Linku deri te artikulli origjinal: Mijëra njerëz morën pjesë në Marshin e paqes në Moskë kundër luftës në Ukrainë

Data dhe koha e publikimit: 21.09.2014

Data e recensionit: 22.09.2014

Recensues: Vlladimir Mirçeski

 

JOPRECIZITET GAZETARESK PËR TA “SHASHTRISUR” OPINIONIN

Në titull është përdorur shprehja “mijëra”, në nëntitull “më shumë se njëmijë”, e më poshtë në tekst thuhet se “sipas agjencive botërore në protestë kanë marrë pjesë 20 mijë njerëz”, që më në fund të jepet vlerësimi i policisë prej “rreth 5 mijë pjesëmarrësve”. Е tani jam i hutuar, me të vërtetë i hutuar. Aq shumë përpjekje për ta qëlluar numrin në një hapësirë të vogël është me të vërtetë e tepruar. Është e saktë se jo vetëm që është mosmirënjohëse në aspekt gazetaresk, por edhe e vështirë që të jepet një numër i përafërt, nuk flasim për numër të saktë, për masovitetin e ndonjë tubimi, mirëpo poashtu është e palejueshme që të manipulohet me numra të cilat jo vetëm që nuk e informojnë, por e hutojnë publikun. Të jemi më precizë, lajmi i cili vetë lavdërohet për “laramaninë” e tij, na detyron të kërkojmë nëpër media të tjera që të konsatojmë se çka në të vërtetë ka ndodhur dhe sa njerëz janë mbledhur në protestën e paqes në Moskë. Ja një fotografi e cila më mirë e pasqyron se sa ka qenë vizitueshmëria në këtë tubim:

reuters

Tl jemi konsekuent, bëhet fjalë për një lajm agjencie i cili është kopjuar në tërësi, që është theksuar në mënyrë të qartë, i cili qysh gjatë përgatitjes e ka gabimin e fabrikës me joprecizitetin dhe hutinë rreth numrit të njerëzve në tubimin e mbajtur në Rusi. Megjithatë, kjo nuk e zvogëlon përgjegjësinë gazetareske të atij që thjesht ka vendosur të bëjë një copy-paste të informatës themelore, duke u mbështetur në mënyrë të verbër në atë që është shkruar nga agjencia shtetërore gazetareske e vendit. Prandaj, vijmë deri te rregulli i rëndësishëm profesional për kontrollim të dyfishtë, e nëse duhet edhe të trefishtë të gjithë asaj që publikohet dhe që ka për qëllim ta informojë publikun. Mirë ka thënë populli “Dy herë mat e njëherë pre”! Sinqerisht, as përmbajtja e as origjinali dhe kopja nuk është e detajuar sa duhet dhe nuk e përshkruan në mënyrë korrekte ngjarjen. Përshtypja është se sikur ka pasur dëshirë, dhe është tepruar, nëpërmjet këtij lajmi, sikur është diçka e parëndësishme – “një protestë e vogël në Moskë”.

Prandaj, si përfundim mund të themi se kemi shembull për një qasje joserioze që ka rezultuar me produkt të papërgjegjshëm gazetaresk.

Lajme të ngjashme

Back to top button