Shqiptari që dha një milion euro për luftën e Kosovës
Shumë shqiptarë kanë ndihmuar në drejtim të çështjes kombëtare shqiptare, me aq sa kanë mundur. Kurse shqiptarit nga Prespa, Nazer Mehmeti, që jeton aktualisht në Shtetet e Bashkuara të Amerikës, ka dhënë plot një milionë euro për luftën e Kosovës.
Shumë persona kanë ndihmuar duke luftuar me pushkë në krah apo edhe duke u kthyer që nga emigrimi vetëm për të luftuar në Kosovë.
Ka patur nga ata që kanë lënë Gjermaninë, Zvicrën, madje edhe SHBA-në dhe kanë marrë pushkën për të luftuar për idealin e lirisë.
Por, ka dhe raste të tjera, kur për çështjen kombëtare është kontribuar në një tjetër formë, përmes financimit të luftës.
I tillë është rasti i shqiptarit nga Prespa, Nazer Mehmeti.
Ai është prezantuar nga historiani Arben Llalla, i cili ka treguar se strugani që jeton aktualisht në Shtetet e Bashkuara të Amerikës ka dhënë plot një milionë euro në luftën e Kosovës. /Albeu/