Tetovarët i japin përkrahje “Lëvizjes për Reformimin e PDSH”

Pas formimit të Këshillit Inicues për Reformimin e PDSH-së tetovarët i japin përkrahja të madhe kësaj iniciative, kjo vërehet edhe me shtimin e numrit të ndjekësve në faqen zyrtare në rrjetin social facebook. Për dy javë numri i fansave në faqen “Lëvizja për Reformim PDSH-Tetovë”, është rritur në mbi 1.000 që dëshmon një interes të madh të qytetarëve që dëshirojnë të informohen për rrjedhën e punëve.

Sipas qendrës për informim nga ky këshill thonë se kjo faqe e facebokut po sjell një frymë të re të informimit në formën bashkëkohore multimediale nëpërmjet video-materialeve me mesazhe dhe sekuencave paralajmëruese. Gjithashtu thonë se ky lloj komunikimi online do të shërbejë si një dritare e re informimi për çdo hap që do të ndërmerr Lëvizja për Reformimin e PDSH-së në Tetovë.